कब्जियत र क्यान्सर रोगलाई अमला

जनस्वास्थ्य सरोकार ,काठमाडौं || प्रकाशित मिति :2017-08-14 07:53:48

कब्जियत तथा क्यान्सर रोगको समस्या छ भने तपाँइले अमलाको प्रयोग गर्न सक्नु हुन्छ । भिटामिन ‘सि’ को मुख्य स्रोत मानिने अमलाको सुकेको धुलोमा हर्रो र बर्रोको धुलो बराबर मिसाई एकदुई चम्चा सुत्ने बेलामा खाँदा बिहान दिसा खु्ल्छ ।
सुकेको अमलाको चूर्ण नियमित रूपमा पानीसँग सेवन गर्दा आउँ, अपच र कब्जियतमा फाइदा गर्छ ।

विशेषज्ञका अनुसार, प्रत्येक दिन अमला तथा यसको जुस खानाले पेट सफा गर्ने हुनाले तपाँईमा देखापरेको कब्जियत तथा पेटका समस्याहरु पूर्ण रुपमा समाधान हुन्छ ।
अहिलेको अवस्थामा क्यानसर रोग नौलो मानिदैन तर यो रोग लागेको खण्डमा भने अमला प्रयोग गर्दा अमलामा पाइने एन्टिअक्सिडेन्टले कार्सनोजेनिक सेल्सलाई बन्न रोक लगाँउछ जुन क्यान्सरबाट बचाउनका लागि फाइदाजनक मानिन्छ ।
वैज्ञानिक नाम भने ‘फिल्यान्थश इम्बीलिका लिन’ भएको अमलाका के के छन् त
फाइदाहरु हेर्नुहोस्ः—

  1. प्रत्येक दिन एउटा अमला खानाले पेट सफा रहिरहन्छ र कब्जियत लगायत पेटमा देखा पर्ने समस्याहरु हुन पाउदैन साथै ग्यास्ट्रिक पनि केहि हदसम्म कन्ट्रोल हुन्छ ।
  2. अमलामा पाइने एन्टिअक्सिडेन्टले कार्सिनोजेनिक सेल्सलाई बन्न रोक लगाउँछ जुन क्यान्सरबाट बचाउनका लागि फाइदाजनक मानिन्छ ।
  3. अमलाको सेवन दैनिक गर्नाले शरीरको रोग प्रतिरोधक क्षमता मजबुत हुन्छ । किड्नी संग सम्बन्धित रोगहरु लाग्दैनन ।
  4. अमलाको जुस बनाएर खानाले पनि रगत सफा हुन्छ र शरीर स्वस्थ रहन्छ। दैनिक एउटा अमला खानाले फोक्सोसंग सम्बन्धित रोगहरु लाग्न पाउदैनन।
  5. अमला शरीरको त्वचा र कपालको लागि फाइदाजनक हुन्छ। अमलाको दैनिक सेवनले त्वचा लामो समयसम्म जवान हुनुका साथै कपाल पनि फुल्नबाट जोगिन्छ।
  6. दैनिक अमलाको जुस अथवा जाम खाएर दुध पिउने गर्नाले शरीरमा कुनै पनि रोगले आक्रमण गर्न सक्दैन ।
  7. अमलाले आँखाको रोशनी अझ बढी शक्तिशाली बनाउँछ ।
  8. दैनिक अमला सेवन गर्दा पत्थरी हुनबाट जोगिन्छ ।

कस्ता रोग भएकाले अमला प्रयोग गर्ने

अमलामा विभिन्न रोगहरु निको पर्ने क्षमता हुन्छ ।  यो प्रसिद्ध आयर्वेदिक औषधि त्रिफलाको एउटा अवयव हो । त्रिफलाले दिसा सफा गराउने , सुन्निएको कलेजो ,ववासिर र पेटसम्बन्धी सिकायतहरूमा फाईदा गर्दछ । अमलाको फल खाना पचाउने ,रक्तअल्पत्ता ,कमलपित्तमा पनि उपयोगी मानिन्छ ।

सुकेका फलहरू आउँ र दिसा पखालामा पनि प्रयोग गर्ने चलन छ । यस बाहेक यसका फलहरू कपाल कालो बनाउने, कालो मसी बनाउने काममा प्रयोग गरिन्छ ,भने फल तथा बोक्रा छाला प्रशोधन गर्न र रङ्गाउन पनि प्रयोग गरिन्छ । यसको फल नै उपयोगी अङ्ग हो । त्यसकारण यसका फलहरू संकलन गर्ने गरिन्छ।

अमलाले युवाहरुमा यौबन शक्ति प्रदान गर्नुका साथै बृद्धहरुमा युवाअवस्थामा जस्तै जोस जाँगर प्रदान गर्छ । तर अमलालाई दिनहुँ सेवन गर्नु भने पर्छ । यसलाई सुख्खा चुर्णको रुपमा अन्य औषधिको रुपमा, अचारको रुपमा वा अन्य कुनै रुपमा प्रयोग गर्न सकिन्छ ।

त्रिफलाको ३ औषधिमध्ये एक अमला गुणी जडिबुटीमा पर्छ । भनिन्छ ३ वटा सुन्तलामा भन्दा १ वटा अमलामा धेरै भिटामिन हुन्छ, अमला भिटामिनको राम्रो स्रोत भएकै कारण अमलाको रुखको फेदमा छायाँमा बसेर खानाले मात्रै पनि अनेक रोगहरु निको हुन्छ । यसका साथै अमलामा विभिन्न रोगहरु निको पर्ने क्षमता हुन्छ ।

अमलाको बोट र फल
त्रिफलाको ३ औषधिमध्ये एक अमला गुणी जडिबुटीमा पर्छ । यो एउटा सानो पतझर रुख हो । यो घाम मन पराउने बिरुवा हो । त्यसैले यो तराई, र तल्लो पहाडी भागमा पाइन्छ । यसका पातहरू एउटै डाँठमा मसिना दुवैतिर लहरै मिलेका हन्छन् । यसमा चैत्र– वैशाखतिर फूलहरू लाग्दछन् । फूलहरू पातको मुन्तिर टम्म मिलेर फुल्दछन् । फूलहरू वास्नादार, हरिया तथा पहेंला रंगका हुन्छन् । यसका फलहरू गुदीदार हुन्छन्, फलको आकार गोलो किसिमको करीब २ से.मी.व्यास भएका हुन्छन् । फलहरू पहिले हरिया र पाकेपछि हल्का पहेला हुन्छन् । फलमा हल्का ६ वटा धर्साहरू देखिन्छन् ।

लगाइएको ७ ÷ ८ वर्ष यसमा राम्ररी फल लाग्दछ । असोजदेखि फागुनसम्म फलहरू संकलन गर्ने गरिन्छ। करीब १० वर्ष वा त्यसभन्दा बढी उमेरका रुखहरूबाट प्रति बोट वार्षिक ८० के.जी जति फल फल्दछ । यसको फल भिटामिन सि’को मुख्य श्रोत मानिन्छ ।

    Comment Here!