प्रधानन्यायाधीशले राजीनामा नदिएसम्म अनशन रोक्दिन डा केसी
२०७४, २६ पुष बुधबार ०४:५० मा प्रकाशित
0
Shares
अदालतको अवहेलना मुद्दामा पक्राउ परेका डा। गोविन्द केसीले प्रधानन्यायाधीश गोपालप्रसाद पराजुलीले राजीनामा नदिएसम्म अनशन नरोक्ने चेतावनी दिएका छन् ।
सुनुवाइका लागि बुधबार बिहान सर्वोच्च अदालत ल्याइएका केसीले संक्षिप्त धारणा सार्वजनिक गर्दै भने, ‘जबसम्म भ्रष्ट, माफिया प्रधानन्यायाधीशलाई निकालिंदैन, तबसम्म म लडिरहन्छु ।’ केसीले यति भन्नासाथ प्रहरीले उनलाई सर्वोच्च परिसरबाट कार्यालयभित्र लगेको थियो ।
केसीलाई वीर अस्पतालबाट प्रहरीको एम्बुलेसन्समा राखेर बिहान साढे ९ बजे सर्वोच्च अदालत लगिएको थियो । स्वास्थ्यमा समस्या भएपछि केसीलाई मंगलबार साँझ वीर अस्पताल लगिएको थियो ।कान्तिपुर दैनिकबाट
