कार्यकारी निर्देशक वरिष्ठताका आधारमा नियुक्त गनुपर्ने डा. केसिको माग
प्रा. डा. गोविन्द केसीले त्रिवि शिक्षण अस्पतालको कार्यकारी निर्देशक वरिष्ठताका आधारमा नियुक्त गर्न माग गर्नुभएको छ । दलीय वफादारी र भागवण्डाका आधारमा नियुक्ति गर्ने चलखेल भइरहेको भन्दै उहाँले आपत्ति जनाउनुभयो ।
बैज्ञानिक र पारदर्शी विधि नबन्दासम्म र त्यसको कार्यान्वयनका लागि राजनीतिक नेतृत्व इमान्दार नहुँसदाम्म वरिष्ठताका आधारमा अस्पतालको कार्यकारी निर्देशक, चिकित्सा शिक्षा अध्ययन संस्थानको डीनलगायतका पदाधिकारी नियुक्त गर्नुको विकल्प नभएको डा. केसीले बताउनुभयो ।
उहाँले कार्यकारी निर्देशकका लागि वरिष्ठताका आधारमा तीन जनाको नाम सिफारिस गर्न र उनीहरुमध्ये एकलाई नियुक्त गर्न माग गर्नूभएको छ । प्रा. डा. केसीले बुधबार विज्ञप्ति जारी गर्दै भन्नुभयो, ‘कनिष्ठ तथा पार्टी कार्यकर्तालाई पदाधिकारी नियुक्त गर्ने काम भयो भने हामीलाई स्वीकार्य हुने छैन ।’
त्रिवि शिक्षण अस्पतालका कार्यकारी निर्देशक डा. दीपक महरा पदमुक्त भएपछि हाल उक्त पद रिक्त छ ।