ओम हस्पिटलमा नयाँ सञ्चालक, मुलुककै उत्कृष्ट हस्पिटल बनाउने अध्यक्ष पौडेलको जिकिर
काठमाडौँको चावहिलस्थित ओम हस्पिटल एण्ड रिसर्च सेन्टरको सञ्चालक समितिको अध्यक्षमा उद्धव पौडेल सर्वसम्मत रुपमा चयन हुनुभएको छ ।
निवर्तमान अध्यक्ष डाक्टर भोला रिजालले नेतृत्व छाडेपछि पौडेल अध्यक्षमा चयन हुनुभएको हो ।
हस्पिटलको स्थापनका कालदेखि नै सञ्चालक समितिमा रहँदै आउनुभएको पौडेल वरिष्ठ चलचित्रकर्मी, राजनीतिज्ञ तथा समाजसेवी समेत हुनहुन्छ ।
अध्यक्ष चयन भएपछि पौडेलले ओम हस्पिटललाई मुलुककै उत्कृष्ट हस्पिटल बनाउन प्रयत्न गर्ने बताउनुभएको छ । पौडेलले विगतमा पनि कुशलतापूर्वक हस्पिटल सञ्चालक समितिको अध्यक्षको कार्यभार सम्हाल्नुभएको थियो ।