विश्व स्तन क्यान्सर दिवसको अवसरमा सचेतना कार्यक्रम
२०७५, २८ आश्विन आईतवार ०७:४८ मा प्रकाशित
नेपाल क्यान्सर हस्पिटल एण्ड रिसर्च सेन्टरले विश्व क्यान्सर दिवसको अवसरमा स्तन क्यान्सर सम्बन्धी बिभिन्न जनचेतना मुलक कार्यक्रमको आयोजना गरेको छ ।
नेपाल क्यान्सर सहयोग समूह र नेपाल क्यान्सर हस्पिटल एण्ड रिसर्च सेन्टरले संयुक्त रुपमा स्तन क्यान्सर सम्बन्धी सचतेनामुलक पद यात्रा, निःशुल्क स्वास्थ शिविर, कार्यशाला गोष्ठी, अन्तक्रिया र मैन बत्ति प्रज्वलन कार्यक्रमहरुको आयोजना गरि मनाएको छ ।
गत शुक्रबार नेपाल क्यान्सर हस्पिटलको प्राङ्गणमा क्यान्सर रोगबाट दिवंगत भएकाहरुको सम्झना तथा सम्मान स्वरुप र स्तन क्यान्सरलाई जीतेर सरल जिवन यापन गरिरहनु भएकाहरुको सु—स्वास्थ तथा दिर्घायुको कामनाका गर्दै मैन बत्ति प्रज्वलन कार्यक्रमको आयोजना गरेको थियो ।
अक्टोबर महिना भर म्यामोग्राम र अल्ट्रासाउन्ड परिक्षण गर्न आउनेहरुको लागि हस्पिटले ५० प्रतिशत छुटको व्यवस्था गरेको छ ।
अक्टोबर महिनालाई विश्व स्तन क्यान्सर दिवसको रुपमा संसार भर स्तन क्यान्सर सम्बन्धी बिभिन्न जनचेतनामुलक कार्यक्रम गरेर मनाउने गरिन्छ । केहि समय यता देखि नेपालमा पनि बिभिन्न कार्यक्रमको आयोजना गरि मनाउदै आइरहेको छ ।
