भृकुटी मण्डपमा तेस्रो ‘नेपाल ल्याबोरेटोरी एण्ड मेडिकल समिट—२०१८’ प्रदर्शनी (फोटो फिचरसहित)
२०७५, २८ मंसिर शुक्रबार ०८:०८ मा प्रकाशित
स्वास्थ्य क्षेत्रमा प्रयोग हुने मेडिकल तथा सर्जिकलसम्बन्धि नयाँ प्रविधिहरुबारे जानकारी गराउने उद्देश्यले आयोजना गरिएको तेस्रो ‘नेपाल ल्याबोरेटोरी एण्ड मेडिकल समिट—२०१८’ प्रदर्शनी काठमाडौंको भृकुटी मण्डपमा आजबाट शुरु भएको छ ।
आजदेखि ३ दिनसम्म सञ्चालन हुने सो मेलामा स्वदेश र विदेश गरी १७७ वटा मेडिकल र सर्जिकल सम्बन्धि स्टल राखिएको छ । केमिकल एण्ड मेडिकल सप्लायर्स एसोसिएसन अफ नेपाल (केमसान) को सक्रियतामा विगत ३ वर्षदेखि हरेक साल भइरहेको यो प्रदर्शनीमा नेपाल, भारत र चाइनाका मेडिकल र सर्जिकल उत्पादक कम्पनि र व्यवसायीहरुको सहभागिता रहेको छ ।
नेपालबाट ५५ वटा मेडिकल र सर्जिकल व्यवसायीहरुको सक्रिय सहभागिता छ । 
स्वास्थ्य तथा जनसंख्या राज्यमन्त्री डा. सुरेन्द्र यादवले सो प्रदर्शनीको उद्घाटन गर्दै मुलुकको मेडिकल क्षेत्रमा यस प्रदर्शनीले राम्रो ज्ञान उपलब्ध गराउने विश्वास व्यक्ति गर्नुभयो । उहाँले मेडिकल सामान आपूर्ति गर्दा गुणस्तरमा विशेष ध्यान दिन व्यवसायीहरुलाई आग्रह गर्नुभयो ।
सो अवसरमा केमिकल एण्ड मेडिकल सप्लायर्स एसोसिएसन नेपाल (केमसान) का अध्यक्ष सुरेश घिमिरेले राज्यले मेडिकल र सर्जिकलसम्बन्धि सामानको महत्व वुझ्न नसक्दा कतिपय सामानहरुको चर्को भन्सार शुल्क तिर्न बाद्य भएको उल्लेख गर्नुभयो ।
