Logo
|
Thursday 28th March 2024
Logo

epaper

सरकारी चिकित्सक फेरि आन्दोलनमा



संघीयता अनुसार स्वास्थ्यका कर्मचारीको समायोजन प्रक्रिया विभेदकारी रहेको भन्दै सरकारी चिकित्सकहरु फेरि आन्दोलित बनेका छन् ।

सरकारले संघीयता अनुसार स्वास्थ्य तर्फको कर्मचारी समायोजन सूची सार्वजनिक गरेपछित्यसमा असन्तुष्टी जनाउँदै सरकारी चिकित्सकले फेरि आन्दोलनका कार्यक्रम घोषणा गरेका हुन् ।

सरकारी चिकित्सक संघ (गोदान) ले प्रधानमन्त्री स्वयंले गरेको प्रतिबद्धता र सहमती विपरित सरकारले असमान र अवैज्ञानिक ढंगले चिकित्सकको समायोजन गरेको अरोप समेत लगाएको छ ।

संघले समायोजन प्रक्रियाको विरोध गर्दै समायोजन पत्र नबुझ्ने र आन्दोलनका सक्रिय रहने, शुक्रबारदेखि हावाहुरी प्रभावित क्षेत्रबाहेका जिल्लाहरुमा आकस्मिक बाहेका सेवा बन्द गर्ने लगायतका आन्दोलनका र्काक्रमहरु सार्वजनिक गरेको छ ।

आफूहरुको माग प्रति सरकारले व्यवस्ता गरे सबै सरकारी चिकित्सकले सामुहिक राजिनामा दिने गोदानका अध्यक्ष दिपेन्द्र पाण्डेले बताए ।

‘प्रधानमन्त्रीले हाम्रो माग अनुसार केन्द्रिय सरकारको मातहतमा प्रदेश र स्थानीय तहमा खटाउने भन्ने प्रतिवद्धता गर्नुभएको थियो । तर प्रधानमन्त्रीले आफैले गर्नुभएको प्रतिवद्धता पुरा गर्नुभएन,’ अध्यक्ष डा पाण्डेले खबरहबसँग भने,‘अब हामी आकस्मिक बाहेका सेवा ठप्न पारेर आन्दोलनमा उत्रिन्छौं । हामीसँगर भएको सहमती पुरा नभए समायोजन प्रक्रिया बहिष्कार गरेर देशभरका सरकारी चिकित्सकले सामहिक राजिनामा दिन्छौं ।’

सामुहिक राजिनामाका लागि देशभरका ७ सय चिकित्सकको राजिनामा पत्र संकलन भइसकेको छ,अन्य चिकित्सकको राजिनामा पत्र संकलन गर्ने कार्य अघि बढाइएको डा पाण्डेले बताए ।

प्रतिक्रिया दिनुहोस्