अन्तर्राष्ट्रिय नर्सिङ दिवस मनाइयोः नर्सिङ्ग क्षेत्रमा आईपर्ने समस्या समाधानबारे चिन्ता
२०७६, २९ बैशाख आईतवार ११:५१ मा प्रकाशित
अन्तर्राष्ट्रिय नर्सिङ दिवस २०१९ का अवसरमा नेपाल नर्सिङ संघले ‘अ भ्वाइस टु लिड, हेल्थ फर अल’ भन्ने मुल नाराका राजधानीमा भव्य कार्यक्रमको आयोजना गरेको छ । हरेक वर्ष मे १२ तारेखका दिन अन्तर्राष्ट्रिय नर्सिङ दिवस मनाइन्छ । फ्लोरेन्स नाइटिङ्गेलको जन्मोत्सबका दिन अन्तर्राष्ट्रिय नर्सिङ काउन्सिल आईसिएन को आव्हानमा मे १२ तारेखलाई अन्तर्राष्ट्रिय नर्सिङ दिवसको रुपमा मनाउने गरिन्छ । सो अवसरमा नर्सिङ्ग क्षेत्रमा आईपर्ने समस्या समाधानबारे चिन्ता व्यक्त गरिएको थियो ।
नर्स पेशा आफैंमा उच्च स्तरको सेवामुखी पेशा हो । सरकारको तर्फबाट सम्पूर्ण नर्सहरुलाई धन्यबाद दिँदै श्रम, रोजगार तथा सामाजिक सुरक्षा मन्त्री गोकर्ण बिष्टले उनीहरुको हक र पेशाका लागी नेपाल सरकार सँधै लागिपरिरहने बताउनुभयो ।
नसिङ्ग पेशा सोचेको जस्तो सजिलो नभएको र सरकारको तर्फबाट समेत नर्सका मागहरुलाई ध्यान नदिएको नर्सहरुले गुनासो गरेका छन् । विश्व स्वास्थ्य संगठनका अनुसार, लेवल वनको आईसियूको १ बिरामी बराबर १ नर्सको ब्यवस्था गर्नुपर्ने भनिएको छ । तर हाल नेपालमा १ नर्स बराबर ३ देखि ४ जना समेत लेबल वन आईुिसयूमा रहेका बिरामीलाई हेर्नुपर्ने बाद्यता छ । त्यसैले लोकसेवाबाट नर्सहरुको खाली दरबन्दी पूर्ति गर्न सरकारको बिशेष ध्यान जानुपर्ने नेपाल नर्सिङ्ग संघकी अध्यक्ष तारा पोखरेलले बताउनुभयो ।
सो अवसरमा नर्सिङ क्षेत्रमा राम्रो र उत्कृष्ट काम गरेका व्यक्तिहरुलाई पुरस्कार तथा कदर पत्र प्रदान गरिएको थियो ।
