प्रतिष्ठानले तत्कालका लागि हालको जगन्नाथ डेडराज प्रसूति भवनलाई मर्मत सम्भार, रंगरोगन गरेर ओपीडी, ल्याब, एक्सरेसहितको सय शय्याको अस्पताल संचालन गर्न चाहेपछि त्यहाँको सुकुम्बासी परिवार र अन्य संघसंस्था खाली गराउनु उपमहानरपालिकासँग समन्वय गर्न आग्रह गरेको छ । सोमबार दुई चरणमा बसेको दलका प्रतिनिधि, जनप्रतिनिधि बीचको छलफलले प्रतिष्ठानको उक्त जग्गा सदुपयोग गर्नुपर्नेमा अनौपचारिक सहमति भएको छ ।