स्वास्थ्य बिमा बोर्डले धनुषामा जेठ १ देखि लागु गरेको स्वस्थ्य बिमा सेवा प्रदेश २ को ५ जिल्लासहित ७ प्रदेशको ४४ जिल्लामा लागु भएको छ । परिवारमा ५ जना सदस्य भएकालाई ३ हजार ५ सयमा १ लाख रुपैयाँ बराबरको उपचार स्वास्थ्य बिमामा समेटिएको भएपनि सरकारी अस्पतालका कर्मचारी बिमा कार्ड भएकालाई झन्झट दिएपछि बिमा प्रति सेवाग्राहीको नकारात्मक प्रभाव परेको छ । ५ जनाभन्दा बढी भएका परिवारमा प्रतिव्यक्ति ७ सय थप र ७० वर्ष नाघेका ज्येष्ठ नागरिकलाई निःशुल्क स्वास्थ्य बिमा गर्ने प्रावधान छ ।