आयोगका सहअध्यक्षका हैसियतले मन्त्री पोखरेलले प्रतिष्ठानका उपकुलपतिलाई निर्देशन दिँदै पत्रमा भनेका छन्, ‘राष्ट्रिय चिकित्सा शिक्षा ऐन, २०७५ को दफा १६ मा चिकित्सा क्षेत्रमा उच्च शिक्षा अध्ययन गर्न चाहने व्यक्तिको प्रवेश परीक्षा चिकित्सा शिक्षा आयोग वा तोकेको संस्था वा निकायले सञ्चालन गर्नेसमेतको व्यवस्था छ ।’ आयोगले पठाएको निर्देशनपत्रबारे आफूलाई जानकारी नभएको प्रतिष्ठानका उपकुलपति प्राडा. राजकुमार रौनियारले बताए । ‘मलाई आयोगले दिएको निर्देशनपत्रबारे केही जानकारी छैन,’ उनले भने, ‘पत्र पाएपछि मात्र आफ्नो धारणा राख्छु ।’