मकवानपुरमा डेङ्गुका बिरामी बढ्दै

जनस्वास्थ्य सरोकार, मकवानपुर || प्रकाशित मिति :2019-08-14 04:58:14

मकवानपुरमा डेङ्गुका बिरामीको सङ्ख्या बढ्दै गएको छ । हालसम्म डेङ्गुका बिरामीको सङ्ख्या बढेर १२४ पुगेको छ ।

साउन १० गते यहाँ डेङ्गुको सङ्क्रमण देखिएको थियो । डेङ्गुबाट जोगिन लामखुट्टे नियन्त्रणको आवश्यकता छ । सरसफाइ तथा लामखुट्टे नियन्त्रण अभियान सञ्चालन गरिएको स्वास्थ्य कार्यालयका प्रमुख शशीकान्त सिंहले जानकारी दिए । बालबालिका, वृद्धवृद्धा, गर्भवती र सुत्केरीलगायत डेङ्गुबाट प्रभावित छन् ।

डेङ्गुबाट सबैभन्दा बढी प्रभावित हेटौँडा उपमहानगरपालिका–४ मा बृहत् सरसफाइ तथा डेङ्गु नियन्त्रण अभियान सञ्चालन गर्ने तयारी गरिएको उपमहानगरपालिका जनस्वास्थ महाशाखाका प्रमुख सुपेन्द्र कार्कीले जानकारी दिए । डेङ्गु नियन्त्रण गर्न ‘खोज र नष्ट गर’ अभियान तीव्र पारिएको छ ।

नियन्त्रणमा नआएपछि प्रदेश नं ३ को सामाजिक विकास मन्त्रालयको प्रदेश स्वास्थ्य निर्देशनालयले डेङ्गु रोगको अवस्था र यसको नियन्त्रणको प्रयासबारे बुधबार अन्तरक्रिया कार्यक्रमको आयोजना गर्नेभएको छ । रासस

    Comment Here!