प्लास्टिक सर्जरीमा एमडी सकेर फर्किदा नेपालमा कस्मेटिक सर्जरी गर्ने धेरै क्लिनिक थिएनन् । कस्मेटिक सर्जरीतर्फ सर्वसाधारणको रूची बढ्दै थियो । स्वदेशमा राम्रो कस्मेटिक सर्जरी गर्ने क्लिनिक खुल्न नसक्दा सेवाग्राही विदेशिन वाध्य थिए । यसलाई दृष्टिगत गरी सन् २०१२ मा काठमाडौँ क्लिनिक अफ कस्मेटिक सर्जरीको स्थापना गर्न सफल भएँ ।
अविस्मरणीय घटना
‘चार वर्ष अघिको कुरा हो । एकजना व्यक्ति एकदमै उदास भएर क्लिनिकमा आउनुभयो । कुरा बुझ्दै जाँदा उहाँको प्रेमीकाले ‘कपाल छैन, तालु भयो’ भनेर छोड्नु भएको रहेछ । उहाँले एकदमै दुःखी हुँदै ‘कपाल लामो बनाएर उसलाई प्रेमिका देखाउने रहर छ । हामीले पनि सोही अनुरूप सबै प्रक्रिया पूरा गरेर कपाल प्रत्यारोपण गर्यौँ । रिजल्ट पनि सोचेको भन्दा राम्रो आयो । त्यसको एक–ढेड वर्षपछि उहाँले अर्कै केटीसँग विवाह गर्नुभयो । बिहेमा मलाई पनि निम्तो गर्नुभएको थियो । यो घटना सम्झिँदा असाध्यै खुशी महशुस हुन्छ ।’—यो मेरो करियरमा भएको अविस्मरणीय घटना हो ।
विश्वास जित्न गाह्रो
सुरुवाती ३ वर्ष त क्लिनिकल कस्मेटिक सर्जरीबारे बुझाउनै लाग्यो । धेरैले विश्वास नै गर्दैनथे । यस्तो पनि हुन्छ र ? भनेर मुख खुम्च्याउँथे । विस्तारै सेवा लिनेहरूको संख्या बढ्न थाल्यो ।
सुरुवाती दिनमा आई लिड र नाक (नोज) को सर्जरी गराउन धेरै आए । कपाल प्रत्यारोपण गर्न चाहनेहरूको संख्या पनि उल्लेख्य बढ्न थाल्यो ।
कस्मेटिक सर्जरी कति सुरक्षित
‘कस्मेटिक सर्जरी अरु विशिष्ट शल्यक्रियाभन्दा निकै सुरक्षित छ । सर्जरीपश्चात् सेवाग्राहीलाई अस्पताल भर्ना गर्नुपर्दैैन । जटिलता आउने सम्भावना निकै न्यून हुन्छ ।
सेवाग्राहीको उच्च अपेक्षा
कतिपय व्यक्ति फोटोमा भएजस्तै राम्रो बनाइदिन आग्रह गर्छन् । तर ठ्याक्कै त्यस्तै बनाउन सकिँदैन । तर जहिले पनि सेवाग्राहीको सन्तुष्टिमा केन्द्रित हुन्छौँ । कस्मेटिक सर्जरीप्रति उच्च अपेक्षा हुनु स्वभाविक हो । कहिलेकाहिँ आफूले सोचे जस्तो नतिजा नआइदिँदा सेवाग्राहीहरू निराश हुन पुग्छन् ।
पारिवारिक पृष्ठभूमि
सानै उमेरदेखि आफ्नो पिताको दुःख, संघर्ष र आदर्श पछ्याउँदै हुर्किएँ । पिता उमेशप्रसाद मैनाली गृह सचिव र लोक सेवा आयोगको अध्यक्षसमेत हुनुहुन्थ्यो ।
पढाइमा अब्बल
सानै उमेरदेखि पढाईमा अब्बल थिएँ । कक्षा १ देखि नै निरन्तर प्रथम हुने भएकाले स्कूलले उहाँको शुल्क मिनाहा गरिदिन्थ्यो । वि.सं.२०५४ सालमा मिलन विद्या मन्दिर स्कूलबाट उत्कृष्ट अंक ल्याएर एसएलसी उत्तीर्ण गरेँ । सानै उमेरबाट मेडिकल पेशाप्रति रूची थियो । सेन्ट जेभियर्स कलेजबाट साइन्स बायोलोजी लिएर आइएस्सी (प्लस टू) उत्तीर्ण गरेँ । त्यतिबेला राम्रो अध्ययन गर्न चाहने विद्यार्थीलाई मेडिसिन र इन्जिनियरिङ मुख्य रोजाईको विषय हुन्थ्यो । त्यसपछि एमबीबीएस अध्ययन गर्न पाकिस्तान गएँ । एमबीबीएस सकेपछि छाला र सौन्दर्य विशेषज्ञतर्फ रूची बढ्न थाल्यो । त्यसपछि कस्मेटिक सर्जरीमा एमडी गर्ने निर्णय लिएँ । त्यसपछि चाइनाको संघाइबाट प्लास्टिक सर्जरीमा डिग्री लिएँ ।
कहिलेकाँही निराशा
मआफ्नो पेशाप्रति सन्तुष्ट छु । देशको अवस्था, समय र परिस्थिती अनुसार समायोजन हुँदै जानुपर्ने रहेछ । तर सम्बन्धित निकायको साथ सहयोग नपाउँदा कहिलेकाँही निराशा बनाउने रहेछ ।
जिउने आधारः सन्तुष्टी
विभिन्न व्युटीपार्लरहरूमा अनुहार बिगारेर आएका सेवाग्राहीलाई उपचार गरेर पहिलाको जस्तै सुन्दर बनाएर पठाउन पाउँदा असाध्यै आनन्द महशुुस हुुन्छ ।
सेवाग्राहीले भेटेको बेलामा खुशी भएर सम्मान पाउँदा खुशी लाग्छ । विश्व जगतमा आएका नयाँ उपचार विधि, प्रविधि, अध्ययन अनुसन्धानसँग निरन्तर अपडेट भइरहनुपर्छ ।
-1744271455.png)
यी हुन् मुटुरोग लाग्ने ९ वटा प्रमुख कारण
बिहीबार, चैत २८, २०८१
पेट सम्बन्धि समस्या के के छन् ?
बिहीबार, चैत २८, २०८१
अल्सर रोगः के खाने के नखाने ?
बिहीबार, चैत २८, २०८१
बाथरोगबाट महिलाहरू बढी पीडित
मंगलबार, चैत २६, २०८१