विकास सर्जिकल उत्कृष्ट करदाताबाट सम्मानित

[caption id="attachment_497" align="alignright" width="300"] आन्तरिक राजश्व विभागका महानिर्देशक चुडामणी शर्माबाट सम्मान पत्र ग्रहण गर्दै विकास सर्जिकल कन्सर्न प्रा.लि.का प्रबन्ध निर्देशक एबी भण्डारी[/caption] चैत २५, जनस्वास्थ्य सरोकार, भक्तपुर । विगत लामो समयदेखि मुलुकमा विश्वसनीय सर्जिकल सामानहरुको बिक्रीवितरण गर्दै आइरहेको विकास सर्जिकल कन्सर्न प्रा.लि. भक्तपुर जिल्लाकै उत्कृष्ट करदाताबाट सम्मानित भएको छ । आन्तरिक राजश्व विभागद्धारा हालै काठमाडौंमा आयोजित कार्यक्रममा विभागका महानिर्देशक चुडामणी शर्माले विकास सर्जिकल कन्सर्न प्रा.लिका प्रबन्ध निर्देशक अक्कल बहादुर (एबी) भण्डारीलाई सम्मानपत्र प्रदान गर्नुभयो । तेस्रो राष्ट्रिय कर दिवसको अवसरमा दिइएको सो सम्मान पत्रमा भनिएको छ—‘आर्थिक वर्ष २०६९/७० मा उच्चतम कर सहभागिता जनाउनुभएकोमा यो सम्मानपत्र प्रदान गरिएको छ । ’ सम्मानित हुनुभएका विकास सर्जिकल कन्सर्न प्रा.लि.का प्रबन्ध निर्देशक भण्डारीले स्वास्थ्यजस्तो संवेदनशील र सेवामुखी यो व्यवसायमा आफ्नो कम्पनिले कर तिर्न कुनै कञ्जुस्याई नगरेको बताउनुभयो ।