Logo
|
Saturday 24th July 2021
E-paper Magazine

केएमसीको औषधालयमा सिलबन्दी



औषधि व्यवस्था विभागले काठमाडौँ मेडिकल कलेज (केएमसी) को शिक्षण अस्पताल सिनामंगलको औषधालयमा सिलबन्दी गरेको छ।

उपचारका लागि अस्पतालमा भर्ना गरिएका झापाका चारवर्षे आरुष सुवेदीलाई ‘डेट एक्स्पायर’ (म्याद सकिएको) सुई दिएको पाइएपछि औषधालय बन्द गरिएको विभागका महानिर्देशक नारायणप्रसाद ढकालले जानकारी दिनु भयो ।

कम्मरमा पीप जमेकाले उपचारका लागि साउन १५ गते सुवेदीलाई अस्पतालमा भर्ना गरिएको थियो।

‘चिकित्सकले सुवेदीलाई पासिम नामक एन्टिबायोटिक २५० एएमजी र ५०० एमजीको भाइल मिलाएर दिन सिफारिस गरिएकामा म्याद सकिएको २५० एमजिको सुई दिइएको पाइएको छ’ महानिर्देशक ढकालले भन्नु भयो, ‘हामीले प्रारम्भिक जाँचमा बाँकी दुई वटा भाइल म्याद सकिएको पायौँ तर सुई दिने नर्ससँग कुराकानी गर्न बाँकी छ, अनुसन्धान गर्दैछौँ’ उक्त औषधिले पीप सुकाउने काम गर्ने पनि उहाँले बताउनु भयो ।

स्वास्थ्य मन्त्रालयका चिकित्सा सेवा महाशाखाका प्रमुख डा भोलाराम श्रेष्ठले सुवेदीका आफन्तले मन्त्रालयमा खबर गरेपछि आफू स्वयं अस्पतालमा गई औषधि व्यवस्था विभागलाई जानकारी गराएको बताउनु भयो ।

थप उपचारका लागि बिरामीलाई अहिले कान्तिबाल अस्पतालमा पठाइएको छ । बिरामीका आफन्त र अस्पतालबीच हालसम्मको उपचार निःशुल्क गर्ने सहमति भएको पनि प्रमुख डा श्रेष्ठले जानकारी दिनु भयो। रासस

प्रतिक्रिया दिनुहोस्