गोकर्णेश्वसरमा ४ सय महिलाको स्तन तथा पाठेघरको क्यान्सर परीक्षण

ललितपुरको हरिसिद्धीस्थित नेपाल क्यान्सर हस्पिटल र नेपालक्यान्सर सहयोग समूहको प्राविधिक सहयोगमा शनिवार राजधानीको गोकर्णेश्वर नगरपालिकामा गरिएको एक दिने निः शुल्क स्तन तथा पाठेघरको मुखको क्यान्सर परीक्षणबाट ४ सय महिलाले लाभ लिएका छन् । गोकर्णेश्वर नगरपालिका वडा नम्बर ६ को आर्थिक सहयोग तथा लक्ष्मीनारायण महिला समूहको आयोजनामा भएको शिविरमा जोरपाटीस्थित कोइराला मेडिकल हलको तर्फबाट निःशुल्क औषधि वितरण गरिएको थियो । शिविरको उद्घाटन गर्दै पूर्व मन्त्री तथा नेपाली कांग्रेसकी नेतृ अम्बिका बस्नेतले महामारीको रुप लिइरहेको क्यान्सर रोग विरुद्ध यस्ता शिविरहरु निरन्तर आयोजना गर्नुपर्ने आवश्यकता औंल्याउनुभयो । सो अवसरमा सांसद सरिता न्यौपानेले स्थानीय स्तरमा प्रभावकारी जनचेतना बढाउन यस्ता शिविरहरु महत्वपूर्ण हुने बताउनुभयो । लक्ष्मीनारायण महिला समूहकी अध्यक्ष इन्दिरा दाहालको सभापतित्वमा भएको कार्यक्रममा गोकर्णेश्वर नगरपालिका वडा नम्बर ६ का अध्यक्ष रमेश अर्यालले आगामी दिनमा पनि यस्तो शिविर आयोजना गरिने जानकारी दिनुभयो । समूहकी सचिव गीता अर्यालले शिविरमाज ाँच गराउनेलाई कोइराला मेडिकल हल तथा कान्तिपुर अप्टिकलले उपलब्ध गराउने सेवामा विशेष छुट दिइने जानकारी दिनुभयो । शिविरमा कोइराला मेडिकल हलको तर्फबाट प्राविधिक सहयोग पनि उपलब्ध गराइएको थियो ।