अर्थोस्पाइन सर्जन्सको नयाँ कार्यसमिति/अर्थोस्पाइन र न्युरो स्पाइनमा के फरक ?
२०७५, ३ मंसिर सोमबार ०६:०९ मा प्रकाशित
नेपालका अर्थोस्पाइन सर्जन्सहरुको छाता संगठन ‘एसोसिएसन अफ स्पाइन सर्जन्समा वरिष्ठ अर्थोस्पाइन सर्जन प्रा.डा. रविन्द्रलाल प्रधानको अध्यक्षतामा नयाँ कार्यसमिति गठन भएको छ । नयाँ कार्यसमितिको उपाध्यक्षमा डा.विमलकुमार पाण्डे, महासचिवमा डा.विनोद बिजुक्छे, कोषाध्यक्षमा डा.व्यापक पौडेल चयन हुनुभएको छ । यसैगरी एसोसिएसनको सह—सचिवमा डा. गौरवराज ढकाल र सदस्यहरुमा डा.गोपेश ठाकुर, डा.राजेश चौधरी, डा.प्रशान्त अधिकारी र डा. किरण गुरुङ हुनुहुन्छ । 
स्पाइन सम्बन्धि उपचारका लागि अस्पताल आउने अधिकांश बिरामीहरुमा अर्थोस्पाइन सर्जन वा न्यूरो स्पाइन सर्जन, को सँग उपचार गर्ने भन्ने द्धिविधा भएको पाइन्छ । तर अर्थोस्पाइन होस् वा न्युरो स्पाइन जो भएपनि केही फरक पर्दैन । दुवैको एउटै उद्देश्य हुन्छ सम्बन्धित बिरामीलाई समस्याबाट मुक्त गराउने । दुवैको विशेषता अर्थोस्पाइनसम्बन्धि हुन्छ । यति चाँही के हो भने अर्थोस्पाइन सर्जनले हड्डीको टिस्युलाई राम्रोसँग ह्यान्डलिङ गर्नसक्छ भने न्युरो स्पाइन सर्जनले नसाको सफ्ट टिस्युलाई राम्रोसँग ह्यान्डलिङ गर्छ ।
न्युरो सर्जरीबाट स्पाइनको सर्जरी तिर आएका डाक्टरलाई न्युरो स्पाइन सर्जन भनिन्छ भने अर्थोपेडिक सर्जरीबाट आएका डाक्टरलाई अर्थोस्पाइन भनिन्छ । दुवैले गर्ने एउटै उपचार विधि हो ।
