Logo
|
Wednesday 22nd September 2021
E-paper Magazine

कोरोना अपडेट: ६,६३६ जना संक्रमणमुक्त, ३,४७९ जनामा संक्रमण, ९९ जनाको मृत्यु



जनस्वास्थ्य सरोकार, काठमाडौँ । नेपालमा कोरोना भाइरस संक्रमितको संख्या ६ लाख नाघेको छ । आइतबार देशभर ३ हजार ४ सय ७९ जना संक्रमित थपिएसँगै कुल संक्रमितको संख्या ६ लाख १ हजार ६९३ पुगेको हो ।

पछिल्लो २४ घण्टामा देशभरका प्रयोगशालाबाट १० हजार ४७१ पीसीआर र ३ हजार २६२ एन्टीजेन विधिबाट परीक्षण भएको स्वास्थ्य तथा जनसंख्या मन्त्रालयले जनाएको छ ।


त्यस्तै, आज काठमाडौँ उपत्यकाभित्र भक्तपुरमा १४६, ललितपुरमा २५४ र काठमाडौँमा ७३१ गरी जम्मा १ हजार १३१ जनामा संक्रमण पुष्टि भएको छ । हाल देशभर सक्रिय संक्रमितको ८९ हजार २१७ संख्या रहेको छ ।


आइतबार कोरोना संक्रमणबाट ९९ जनाको दुखद निधन भएको छ । सोहि अवधिमा ६ हजार ६६३ जना कोरोना संक्रमणमुक्त भई घर फर्किएका छन ।

प्रतिक्रिया दिनुहोस्