कर्णाली स्वास्थ्य विज्ञान प्रतिष्ठानको रजिष्ट्रारमा नृपेन्द्र महत नियुक्त

जनस्वास्थ्य सरोकार, काठमाडौँ । कर्णाली स्वास्थ्य विज्ञान प्रतिष्ठान जुम्लाको रजिष्ट्रारमा नृपेन्द्र महत नियुक्त हुनुभएको छ ।

प्रतिष्ठानको उपकुलपति डा. मङ्गल रावलको सिफारिसमा तत्कालिन स्वास्थ्य तथा जनसंख्या मन्त्री एवं सहकुलपति शेरबहादुर तामाङले गएको असार ३ गते चन्दननाथ नगरपालिका–७ जुम्लाका महतलाई रजिष्ट्रारमा नियुक्त गर्नुभएको हो ।

व्यवस्थापन र राजनीतिशास्त्रमा स्नातकोत्तर गर्नुभएका महतले प्रतिष्ठानको ऐन, नियमावली र कार्यविधिले तोकेको परिधिभित्र रहेर संस्थाको व्यवस्थापकीय क्षेत्रमा आफूले पूर्ण जिम्मेवारी निर्वाह गर्ने बताउनुभयो ।

जेठ १६ गते निवर्तमान रजिष्ट्रार विश्वराज काफ्लेको चार वर्षीय कार्यकाल सकिएपछि उक्त पद खाली थियो ।