Logo
|
Wednesday 28th July 2021
E-paper Magazine

यस्ता छन् औषधि किन्दा ध्यान दिनु पर्ने कुरा



जनस्वास्थ्य सरोकार, काठमाडौँ । हामी नियमित रुपमा फार्मेसीबाट औषधि खरिद गरिरहेका हुन्छौँ । अन्य उपभोग्य वस्तुहरु खरिद गर्दा धेरै कुराको जानकारी लिने हामी औषधि जस्तो संवेदनशील वस्तु खरिद गर्दा भने खासै ध्यान दिदैनौँ । तर औषधि खरिद गर्दा धेरै कुराहरु ख्याल गर्न आवश्यक छ । विशेषगरी औषधि किन्दा निम्न ६ वटा विषयमा ध्यान दिनुपर्ने हुन्छ ।

फार्मेसीको लाइसेन्स हेर्नुहोस्
यो सबै भन्दा महत्वपूर्र्ण पाटो हो । अहिले पनि नेपाली बजारमा धेरै फार्मसीहरु लाइसेन्स बिना गैर कानुनी रुपमा सञ्चाला भइरहेका छन । त्यस्ता फार्मेसीले न्यून गुणस्तर भएका र नेपालमा दर्ता नै नभएका औषधि बेच्न सक्छन । साथै गैरकानुनी रुपमा नेपाल भित्रिएका गुणस्तहिन औषधिहरु विक्रि वितरण गर्ने खतरा हुन्छ ।

धेरै डिस्काउन्ट पाइने र ज्यादै सस्तो औषधिको प्रलोभनमा नपर्नुहोस्
तपाइलाई कुनै पनि फार्मसिले अत्यन्तै भारी डिस्काउन्टमा औषधि बिक्री गरिरहेको छ भने त्यसको गुणस्तर न्यून हुन सक्छ । औषधि सुलभ दरमा बिक्री गर्ने फार्मेसीबाट खरिद गर्दा सबैभन्दा उपयुक्त हुन्छ ।

फार्मासिस्टको उपलब्धता
योग्य र रजिष्ट्रर्ड फर्मासिस्ट उपलब्ध फार्मेसीबाट औषधि खरिद गर्नुपर्दछ । यसरी एउटा औषधि विज्ञ भएको फार्मेसिमा तपाईंको औषधि अथवा रोग सम्बन्धी प्रश्न गर्न तथा उचित औषधिको बारेमा काउन्सेलिङ लिन सकिन्छ । जसले गर्दा तपाईंलाई औषधि सेवन र रोग व्यवस्थापनको विषयमा आत्मविश्वास पनि बढ्छ ।

प्रेस्किप्सन माग्ने फार्मेसीबाट औषधि किन्नुहोस्
बिना प्रेस्किप्सन आफूखुशी औषधि प्रयोग गर्दा शरीरमा हानी हुनसक्छ । जुन फार्मेसीले तपाईंसँग प्रेस्किप्सन माग्छ, उक्त फार्मेसीले त्यस्ता कुरालाई मध्येनजर गरेका हुन्छन । त्यस्ता फार्मेसीबाट सधैँ औषधि खरिद गर्दा तपाईंले उच्च गुणस्तरको साथै उपयुक्त औषधि प्राप्त गर्नुहुनेछ।

बिल माग्नुहोस्
तपाईंले कुन औषधि कहिले र कहाँबाट खरिद गर्नु भएको भन्ने कुराको प्रमाण भनेकै बिल हो । त्यसैले औषधि किन्दा एउटा उपभोक्ता भएको हकले बिल सधैँ माग्ने गर्नुहोस ।
औषधि लिनु अघि निम्न कुराहरुमा दोहोरो जाँच गर्नुहोस्

  • औषधिको जेनेरिक नाम
  • औषधिको डोज
  • एक्स्पाइरी मिती
  • प्रयोग गर्ने बिधी
  • उत्पादकको नाम र ठेगाना

स्रोत: फर्मा इनफो नेपाल

प्रतिक्रिया दिनुहोस्