काठमाडौंमा भेरोसेल खोप कार्यक्रम स्थगित
२०७८, १ श्रावण शुक्रबार १६:३३ मा प्रकाशित
435
Sharesजनस्वास्थ्य सरोकार, काठमाडौं । काठमाडौं जिल्लामा कोभिड-१९ विरुद्धको भेरोसेल खोप कार्यक्रम स्थगित भएको छ ।
स्वास्थ्य कार्यलय काठमाडौंले काठमाडौंका लागि मौजुदा रहेको खोपको मौज्दात सकिएको भन्दै अर्को सूचना नभएसम्मका लागि खोप स्थगित भएको जनाएको हो ।
साउन ४ गतेसम्मका लागि तय गरिएको भेरोसेल पहिलो डोज खोप दिने कार्यक्रममा हाललाई स्थगित गरिएको कार्यलयको सूचनामा उल्लेख छ ।
काठमाडौंका ५० वटा केन्द्रबाट असार २९ गतेदेखि ५५ वर्षमाथिका नागरिक, विश्वविद्यालय, विद्यालयका कर्मचारी, सार्वजनिक यातायातका कर्मचारी, लगायतका ५ वटा लक्षित समूहलाई खोप दिइएको थियो ।
