देशभर ३३ सय ६५ जनामा संक्रमण, १६ जनाको मृत्यु

जनस्वास्थ्य सरोकार, काठमाडौँ । नेपालमा थप ३३ सय ६५ जनामा कोरोना भाइरस संक्रमण पुष्टि भएको छ। विभिन्न प्रयोगशालामा पीसीआर विधिबाट ९५ सय ५५ नमूना र एन्टिजेन विधिबाट ४६ सय ८७ नमूनाको परीक्षण गराउँदा यो संख्यामा संक्रमण देखिएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार २३ सय ३५ नमूनाको पीसीआरबाट र १ हजार ३० नमूनाको एन्टिजेन विधिबाट संक्रमण पुष्टि भएको हो। यस्तै पछिल्लो २४ घन्टामा १३ सय ७३ जना कोरोनामुक्त भएका छन्। यो सहित नेपालमा कोरोनाबाट निको हुनेको संख्या ६ लाख ५० हजार ४४५ पुगेको छ।

मन्त्रालयका अनुसार कोरोनाबाट बिहीबार थप १६ जनाको मृत्यु भएको छ। यो सहित नेपालमा कोरोनाबाट मृत्यु हुनेको संख्या ९ हजार ८०७ पुगेको छ ।