पहिलो टेष्टट्युब बेबीले साइन्स अध्ययन गर्दै, इन्जिनियर बन्ने धोको
२०७८, २६ श्रावण मंगलवार १५:१३ मा प्रकाशित
417
Sharesजनस्वास्थ्य सरोकार, काठमाडौं । नेपालको पहिलो टेष्टट्युब बेबी ओममणि तमाङ इन्जिनियर बन्ने उद्देश्यका साथ काठमाडौंको बालकुमारीस्थित क्यापिटल कलेज अफ रिसर्च सेन्टर (सिसिआरसी) मा कक्षा ११ मा भर्ना भएका छन् । उनले साइन्स विषय (फिजिक्स) लिएर अध्ययन गर्दैछन् ।
सेन्ट जेभियर्स स्कुलबाट उनी यस वर्ष (२०७८) को इसईई परीक्षामा सामेल भएका थिए । उनले ए पोजिसन ल्याएका छन् । बिद्यालयले लिएको दोस्रो र फाइनल टर्म दुवै परीक्षामा कोभिड संक्रमित भएका कारण सामेल हुन नसकेकाले सोचेजस्तो नम्बर प्राप्त नभएको ओमणिकी आमा सन्ध्या तमाङले बताउनुभयो ।
नेपालमा २०६१ साल फागुन २० गते ओम अस्पतालको आईभिएफ सेन्टरबाट बुबा राजेन्द्र तमाङ र आमा सन्ध्याको कोखबाट पहिलो टेष्टट्युब बेबीका रुपमा ओमणिको जन्म भएको थियो । हाल उनी १७ वर्ष पुगेका छन् ।
