स्टार अस्पतालद्धारा साइकल यात्रीहरुलाई बिदाई
२०७८, २५ भाद्र शुक्रबार १८:१६ मा प्रकाशित
126
Shares
जनस्वास्थ्य सरोकार, काठमाडौँ । ललितपुरको सानेपास्थित स्टार अस्पतालले साइकल यात्रीहरुलाई शुभकामना सहित बिदाई गरको छ ।
विश्व साइकल यात्री पुस्कर शाहको नेतृत्वमा इलामको श्री अन्तुबाट मुगुको रारा तालसम्म हुन गईरहेको वृहत साइकल यात्रा कार्यक्रममा सहभागी हुने यात्रीहरुलाई अस्पतालले बिदाइ गरेको हो ।
अस्पतालका कार्यकारी अध्यक्ष किशोर कुमार महर्जन र मेडिकल डाइरेक्टर डा. शैल रुपाखेतीले साइकल यात्रीहरुलाई खादा र नगद एक लाख ५० हजार रुपियाँ सहयोग गरी यात्रा सफलताको शुभकामना व्यक्त गर्नुभयो ।
साइकल यात्रा २८ दिनको रहने छ । हस्पिटलले निरन्तर रुपमा खेलकुद गतिविधि तथा सामाजिक कार्यमा संलग्न सरोकारवाला निकायहरु संग सहकार्य गर्दै आइरहेको छ ।
