२३८ जना कोरोना संक्रमित थपिए, ३७० संक्रमित निको
२०७८, ५ मंसिर आईतवार १६:४३ मा प्रकाशित
30
Sharesजनस्वास्थ्य सरोकार, काठमाडौँ । पछिल्लो २४ घण्टामा २३८ जना कोरोना संक्रमित थपिएका छन्। देशभर गरिएको ७ हजार ८४५ पीसीआर र १ हजार २७८ जनाको एन्टीजेन परीक्षणका क्रममा २३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यो सँगै कुल संक्रमितको संख्या ८ लाख १९ हजार १९ जना पुगेको छ। कुल संक्रमितमध्ये ७ हजार १६४ जना सक्रिय संक्रमित छन्। गत २४ घण्टामा ३७० जना संक्रमित निको भएका छन्। यो सँगै देशभर निको हुनेको संख्या ८ लाख ३५९ पुगेको छ।
उक्त अवधिमा १ जना संक्रमितको मृत्यु भएको मन्त्रालयले जनाएको छ। हालसम्म कोरोना संक्रमणबाट मृत्यु हुनेको संख्या ११ हजार ४९६ पुगेको छ। हाल ९८ जना क्वारेन्टाइनमा छन्। २२७ जना आइसीयू र ५१ जना भेन्टिलेटरमा रहेको मन्त्रालयले जनाएको छ।
