थप २०५ जनामा कोरोना संक्रमण , ४३६ जना निको
२०७८, १९ मंसिर आईतवार १७:१२ मा प्रकाशित
36
Sharesजनस्वास्थ्य सरोकार, काठमाडौँ । पछिल्लो २४ घण्टामा २०५ जना कोरोना संक्रमित थपिएका छन्। देशभर गरिएको ७ हजार ९९५ पीसीआर र २ हजार ७५२ जनाको एन्टीजेन परीक्षणका क्रममा २०५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यो सँगै कुल संक्रमितको संख्या ८ लाख २२ हजार ५९२ जना पुगेको छ। कुल संक्रमितमध्ये ६ हजार ५०७ जना सक्रिय संक्रमित छन्।
गत २४ घण्टामा ४३६ जना संक्रमित निको भएका छन्। यो सँगै देशभर निको हुनेको संख्या ८ लाख ४ हजार ५४४ पुगेको छ।उक्त अवधिमा १ जना संक्रमितको मृत्यु भएको मन्त्रालयले जनाएको छ।
हालसम्म कोरोना संक्रमणबाट मृत्यु हुनेको संख्या ११ हजार ५४१ पुगेको छ। हाल ९७ जना क्वारेन्टाइनमा छन्। १०७ जना आइसीयू र २८ जना भेन्टिलेटरमा रहेको मन्त्रालयले जनाएको छ।
