कोभिड–१९ संक्रमणको कारण काभ्रे मालपोतको सेवा ५ दिन स्थगित
२०७८, १० माघ सोमबार ११:५५ मा प्रकाशित
0
Sharesजनस्वास्थ्य सरोकार, बनेपा । मालपोत कार्यालय काभ्रेमा कार्यरत केही कर्मचारीमा कोरोना सङ्क्रमण देखिएपछि कार्यालयको सेवा पाँच दिनका लागि स्थगित गरिएको छ । कार्यालयको आन्तरिक प्रशासनिक भने सञ्चालन हुने जनाइएको छ ।
कोरोनाको प्रभावका कारण यसअघि जिल्ला प्रशासन कार्यालयलगायत केही स्थानीय तहले समेत केही दिनका लागि आफ्नो सेवा स्थगित गरिसकेका छन् ।
सङ्क्रमण दर वृद्धि हुँदै गएपछि काभ्रेपलाञ्चोक जिल्ला प्रशासनले सार्वजनिकस्थलमा भीडभाड नगर्न, सार्वजनिक सवारी साधनमा यात्रा गर्दा अनिवार्य मास्क लगाउन र घरबाहिर निस्कँदा अनिवार्य स्वास्थ्य सुरक्षाको मापदण्ड अपनाएर मात्रै हिँडडुल गर्न आग्रह गर्दै यसको परिपालना गर्नसमेत कडाइ गर्न थालेको छ ।
स्वास्थ्य कार्यालयकाअनुसार आइतबारसम्ममा एक हजार ३०३ जना सङ्क्रमित भएका छन् ।
