Logo
|
Monday 23rd May 2022
Logo

epaper

नेपालमा उकालो लाग्दै कोरोना ग्राफ , आज अत्यधिक संक्रमित



जनस्वास्थ्य सरोकार, काठमाडौँ । पछिल्लो २४ घण्टामा १२ हजार ८ जनामा कोरोना भाइरस संक्रमण पुष्टि भएको छ । देशभर जम्मा २५ हजार ९०९ नमुना परीक्षण गर्दा उक्त संख्यामा संक्रमण पुष्टि भएको हो ।

स्वास्थ्य तथा जनसंख्या मन्त्रालयकाअनुसार १८ हजार १०३ जनाको पिसिआर परीक्षण गर्दा ९ हजार ४३२ जनामा र ७ हजार ८०६ एन्टीजेन परीक्षण गर्दा २ हजार ५७६ जनामा कोभिड–१९ संक्रमण पुष्टि भएको हो । यस अवधिमा ३ हजार ४० जना संक्रमणमुक्त भएका छन् भने संक्रमणको कारणले ८ जनाको निधन भएको छ । यस अवधिमा २ लाख ३९ हजार ८५१ जनाले कोरोनाविरुद्धको खोप लगाएका छन् ।

हाल देशभर सक्रिय संक्रमितको संख्या ८८ हजार ९४३ जना रहेको छ । जसमध्ये ८७ हजार ११७ जना होम आइसोलेसनमा र १ हजार ८१७ जना संस्थागत आइसोलेसनमा रहेका छन् । संस्थागत आइसोलेसनमा रहेकामध्ये २४५ जनजा आइसियूमा र ४४ जना भेन्टिलेटरमा उपचारत छन् ।

प्रतिक्रिया दिनुहोस्