देशभर ८ हजार १७ जनामा संक्रमण, १५ जनाको मृत्यु
२०७८, १३ माघ बिहीबार १६:४१ मा प्रकाशित
51
Shares
जनस्वास्थ्य सरोकार, काठमाडौँ । पछिल्लो २४ घण्टामा ८ हजार १७ जनामा कोरोना भाइरस संक्रमण भएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालाबाट १५ हजार ७३६ जनाको पीसीआर गर्दा ५ हजार ८१६ र ६ हजार ७२ जनाको एन्टीजेन परीक्षण गर्दा २ हजार २०१ जनामा संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा ५ हजार २९२ जना संक्रमणमुक्त भएका छन भने १५ जना संक्रमितको निधन भएको छ ।
हाल नेपालमा सक्रिय संक्रमितको संख्या ९० हजार ५७६ जना रहेका छन् । त्यस्तै आज देशभर ५ लाख ५४ हजार ५६६ जनाले कोरोना विरुद्धको खोप लगाएका छन् ।
