देशभर १९० जना सक्रिय संक्रमित, थप ८ जनामा संक्रमण
२०७९, २६ बैशाख सोमबार १७:११ मा प्रकाशित
45
Shares
जनस्वास्थ्य सरोकार, काठमाडौँ । सोमबार देशभर थप ८ जनामा कोरोना संक्रमण देखिएको छ । देशभरका प्रयोगशालाबाट ३ हजार २ जनाको नमूना परीक्षण गर्दा ८ जनामा संक्रमण देखिएको हो ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १७ जना कोरोना संक्रमित संक्रमणमुक्त भएका छन् भने मृत्यु संख्या शून्य रहेको छ ।
हाल देशभर १९० जना सक्रिय संक्रमित रहेका छन् । पछिल्लो २४ घण्टाको अवधिमा ३८ हजार ३५९ जनाले कोरोना भाइरसविरुद्धको खोप लगाएका छन् ।
