निःशुल्क स्वास्थ्य शिविरमा ९९५ जनाको स्वास्थ्य परीक्षण
२०७९, २० जेष्ठ शुक्रबार १३:१५ मा प्रकाशित
81
Shares
जनस्वास्थ्य सरोकार, नुवाकोट । नुवाकोटको विदुर नगरपालिका–८ मा निःशुल्क स्वास्थ्य शिविर सञ्चालन गरिएको छ । काठमाडौंको सिनामंगलस्थित काठमाडौं मेडिकल कलेज र लायन्स क्लब अफ काठमाडौं वन्डर वुमनको सहकार्यमा दुईदिने निःशुल्क स्वास्थ्य शिविर आयोजना गरिएको हो।
शिविरको पहिलो दिन बिहीवार ९९५ जनाको निःशुल्क स्वास्थ्य परीक्षण गरिएको केएमसीका जेनेरल मेनेजर नारायण दाहालले जानकारी दिनुभयो ।
उहाँका अनुसार २०१ जनाको रक्त परीक्षण, १४२ जनाको भिडियो एक्सरे र १०२ जनाको ईसीजी गरिएको छ ।
त्यस्तै शिविरमा उपचार सम्भव नभएका ५५ जना बिरामीलाई शल्यक्रियाका लागि अस्पताल रेफर गरिएको छ। भैरव माध्यमिक विद्यालय हात्तीगौडामा सञ्चालन भएको शिविर शुक्रवार पनि सञ्चालन हुनेछ।
