रक्तचाप र सुगर बढेपछि स्वास्थ्य राज्यमन्त्री विमला वली अस्पताल भर्ना
२०७९, १ असार बुधबार १४:३२ मा प्रकाशित
168
Shares
जनस्वास्थ्य सरोकार, काठमाडौँ । लुम्बिनी प्रदेशकी स्वास्थ्य राज्यमन्त्री विमला वली अस्पतालमा भर्ना हुनुभएको छ।
मंगलबार बिहान दाङको तुलसीपुरमा एक महिला र बालिकालाई हातपात गरेको आरोपमा वलीलाई पक्राउ गरी मंगलबार राति बुटवल ल्याइएको थियो ।
सोही दिन राति १ बजेतिर रक्तचाप र सुगर बढेर बेहोस भएपछि स्वास्थ्य राज्यमन्त्री वलीलाई लुम्बिनी प्रादेशिक अस्पताल भर्ना गरिएको हो ।
अस्पतालका फिजिसियनहरुले चेकजाँच गर्दा रक्तचाप बढी र सुगरको मात्रा पनि बढी देखिएको अस्पतालका मेडिकल सुपरिटेण्डेन्ट डा. इन्द्र ढकालले जानकारी दिनुभयो ।
वलीको क्याबिनमा भर्ना गरेर उपचार भइरहेको छ । रगत लगायत अन्य जाँचको रिपोर्ट आउन बाँकी रहेको र स्वास्थ्य अवस्था स्थिर रहेको डा ढकालको भनाइ छ ।
