२४ लाख खोप हराएकोबारे स्वास्थ्य तथा जनसंख्या मन्त्री विरोध खतिवडाको स्पष्टोक्ती
२०७९, १ असार बुधबार १७:४८ मा प्रकाशित
63
Sharesजनस्वास्थ्य सरोकार, काठमाडौं । स्वास्थ्य तथा जनसंख्या मन्त्री विरोध खतिवडाले २४ लाख खोप हराएको सन्दर्भमा आफ्नो प्रष्ट धारणा व्यक्त गर्नुभएको छ ।
संसदमा बजेटमाथिको छलफलका क्रममा सांसदहरुले २४ लाख खोप वेपत्ताबारे प्रश्न उठाएपछि मन्त्री खतिवडाले धेरै ठाउँमा आफूले तथ्य दिइसकेको स्पष्ट पार्नुभयो ।
मन्त्री खतिवडाले खोप हराएको बारे पुष्टि गर्नसमेत चुनौति दिनुभएको छ । उहाँले स्वास्थ्य मन्त्रालयको वेबसाइटमा सम्बन्धित मितिमा हरेक देशबाट आएको खोपको विवरण रहेको उल्लेख गर्दै कुन मितिमा कुन खोप कहाँ कति वितरण गरेकोसमेत रहेको बताउनुभयो ।
मन्त्री खतिवडाले मुलुकमा हालसम्म ५ करोड ३३ लाख खोप आएको र ४ करोड ८७ लाख डोज लगाइएको र ४६ लाख ४७ हजार खोप स्टक रहेको स्पष्ट पार्नुभयो ।
