काठमाडौंमा भेटिए हैजाका बिरामी, आईसीयूमा उपचार हुँदै
२०७९, २ असार बिहीबार १७:२३ मा प्रकाशित
438
Shares
जनस्वास्थ्य सरोकार, काठमाडौँ । काठमाडौंमा हैजाका बिरामी भेटिएका छन् ।
टेकुस्थित शुक्रराज ट्रपिकल तथा सरुवारोग अस्पतालमा आज हैजाको बिरामी उपचारका लागि पुगेको अस्पतालका सूचना अधिकारी नवराज गौतमले जानकारी दिनुभयो ।
काठमाडौ मोडेल अस्पतालले ती बिरामीमा एन्टिजेन पोजेटिभ देखिएपछि रिफर गरी शुक्रराज अस्पतालमा पठाएको हो ।
हैजा पुष्टि भएकी महिलासँगै बस्ने अर्की महिलामा पनि लक्षण देखिएकाले हैजाको आशंका गरिएको अस्पतालले जनाएको छ । दुवैजनाको आईसीयूमा उपचार भइरहेको अस्पतालले जानकारी दिएको छ ।
