Logo
|
Wednesday 17th August 2022
Logo

epaper

कोभ्याक्स सुविधामार्फत थप २४ लाख मात्रा फाइजर खोप नेपाल आइपुग्यो



जनस्वास्थ्य सरोकार, काठमाडौँ । ५ देखि ११ वर्षसम्मका बालबालिकाका लागि कोरोनाभाइरसविरुद्धको थप करिब २४ लाख मात्रा फाइजर खोप आइपुगेको छ ।

कोभ्याक्स सुविधामार्फत २३ लाख ९९ हजार ३०० मात्रा पेडियाट्रिक डोज खोप आइतबार आइपुगेको स्वास्थ्य सेवा विभाग आपूर्ति शाखाका प्रमुख डा सुरेन्द्र चौरसियाले जानकारी दिनुभयो ।

यो खोप हाल अभियान जारी रहेको देशका २७ जिल्लामा पठाइने उहाँले बताउनुभयो । खोप अभियान सञ्चालन गरिएका २७ जिल्लाका पहिलो मात्रा लगाउन छुटेका बालबालिकालाई समेत यो खोप दिइनेछ ।

यो खोप माइनस ७० डिग्री सम्मको तापक्रममा भण्डारण गर्नुपर्ने हुन्छ । सरकारले आफ्नो क्षमता अनुसार क्रमशः खोप मगाउने जाने उहाँले बताउनुभयो । यसअघि सरकारले ६ असारमा पनि २२ लाख मात्रा खोप प्राप्त गरेको थियो ।

प्रतिक्रिया दिनुहोस्