Logo
|
Wednesday 10th August 2022
Logo

epaper

पौवादुङलाई भोजपुरको पहिलो खोप सुनिश्चितता गाउँपालिका घोषणा



जनस्वास्थ्य सरोकार, भोजपुर । पौवादुङमा गाउँपालिकालाई जिल्लाकै पहिलो खोप सुनिश्चितता भएको स्थानीय तह घोषणा गरिएको छ। जिल्लाका नौवटा स्थानीय तह छन्। १६ महिनादेखि २३ महिनासम्मका बच्चाले ११ प्रकारका खोप लिएकाले गाउँपालिकालाई खोप सुनिश्चितता स्थानीय तहघोषणा गरिएको हो। 

एक सय ४३ को घरमा नै पुगेर वालबालिकाको खोपको अवस्थाको बुझ्दा खोप लगाएको पाइएपछि गाउँपालिकालाई पूर्णखोप सुनिश्चितता स्थानीय तह घोषणा गरिएको गाउँपालिकाका स्वास्थ्य शाखा प्रमुख गेहेन्द्रकुमार उपाध्यायले जानकारी दिए।

उनले भने ‘हाम्रो गाउँपालिका जिल्लामा नै पहिलो खोप सुनिश्चितता स्थानीय तह बनेको छ। तोकिएको मापदण्ड पूरा भएकाले घोषणा गरेका हौँ। यसलाई हाम्रो स्वास्थ्य क्षेत्रको लागि निकै राम्रो उपलब्धिको रुपमा लिएका छौँ।’ घोषणा कार्यक्रम गाउँपालिका अध्यक्ष किरण राईले नागरिकले सहजरुपमा स्वास्थ्य सेवा पुर्‍याउन प्राथमिकताका साथ काम गरिरहेको जानकारी दिए।

अध्यक्ष राईले भने, ‘हाम्रो गाउँपालिकालाई पहिलो पूर्ण खोप सुनिश्चितता भएको स्थानीय तह घोषणा गर्न सफल भएका छौँ। यो हाम्रो लागि निकै ठूलो उपलब्धि हो। हाम्रा नागरिकलाई सहज स्वास्थ्य सेवा उपलब्ध गराउन गाउँपालिकाले योजनाबद्ध रुपमा काम गरिरहेको छ। हामीले नीति तथा कार्यक्रममा नै भनेका छौँ सुत्केरी तथा गर्भवती, नवजात शिशुलाई बाहिरका अस्पतालमा लैजाँदा निःशुल्क एम्बुलेन्स सेवा दिन्छौँ। त्यस्तै यस कार्यमा निकै मेहनतका साथ खटेर गाउँपालिकालाई यो सफलता हासिल गराउन भूमिका खेल्नुहुने सम्पूर्ण स्वास्थ्यकर्मी तथा कर्मचारीलाई धन्यवाद दिन चाहन्छु।’

पौवादुङमा कार्य सम्पादन मूल्याङ्कनमा प्रदेशमा एकमा पहिलो भएको गाउँपालिका हो। गाउँपालिको गर्भवती एवं सुत्केरी  र बच्चाको स्वास्थ्यलाई ध्यान राख्दै ‘रातोभाले’ तथा ‘सुत्केरी पूर्व खुत्रुके’ बचतको कार्यक्रम सञ्चालनमा गरिरहेको छ। सञ्चालनमा ल्याएको यो कार्यक्रम स्थानीय महिलाको साहारा बनेको छ। यहाँका गर्भवती एवं सुत्केरीलाई सञ्चालन भइरहेको अध्यक्ष राईले जानकारी दिए।

अध्यक्ष राईले भने, ‘होम डेलीभरी शून्य बनाउन स्वास्थ्य संस्थामा सुत्केरी भएपछि रातोभालेसँगै अन्य पौष्टिक आहारासमेत गाउँपालिका दिन्छ। स्थानीय जनताको स्वास्थ्यलाई ध्यानमा राखेर स्वास्थ्यसम्बन्धी विभिन्न कार्यक्रम सञ्चालनमा ल्याएका छौँ। यो कार्यक्रम अहिले जनतामाझ लोकप्रिय बनेका छन्। यो कार्यक्रमअन्तर्गत स्वास्थ्य संस्थामा सुत्केरी भएबापत पैसा पनि दिन्छौँ।’ रासस

प्रतिक्रिया दिनुहोस्