आज ९१२ संक्रमित थपिए, एकको मृत्यु
२०७९, २० श्रावण शुक्रबार १७:१७ मा प्रकाशित
15
Shares
जनस्वास्थ्य सरोकार, काठमाडौँ । आज ९१२ जनामा कोरोनाभाइरसको संक्रमण देखिएको छ भने एक जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार ६ हजार ४९१ स्वाब परीक्षण गर्दा ९१२ जनामा कोरोना देखिएको हो। उनीहरूमध्ये दुई हजार ९४१ जनाको पीसीआर परीक्षण गर्दा ५२९ जनामा र तीन हजार ५५० जनाको एन्टिजन परीक्षण गर्दा ३८३ जनामा कोरोना पुष्टि भएको हो।
त्यस्तै, कोरोना संक्रमणबाट एक जनाको मृत्यु भएको छ। योसँगै कोरोनाबाट मृत्यु हुनेको संख्या ११ हजार ९७० पुगेको छ।
पछिल्लो २४ घण्टामा ३७० जना निको भएको स्वास्थ्य मन्त्रालयले जनाएको छ। योसँगै सक्रिय संक्रमितको संख्या पनि पाँच हजार ७६० पुगेको छ।
