संक्रमण दर बढ्यो, थप सतर्कता अपनाउन मन्त्रालयको आग्रह
२०७९, २६ श्रावण बिहीबार १०:४२ मा प्रकाशित
60
Sharesजनस्वास्थ्य सरोकार, काठमाडौँ । स्वास्थ्य तथा जनसङ्ख्या मन्त्रालयले केही हप्तादेखि कोरोना संक्रमण दर वृद्धि भएकोले थप सतर्कता तथा सुरक्षाका मापदण्ड अपनाउन आग्रह गरेको छ ।
मन्त्रालयको नियमित प्रेस ब्रिफिङमा सह–प्रवक्ता डा.समिरकुमार अधिकारीले हाल देशमा संक्रमण निरन्तर बढिरहेकोले घर बाहिर निस्कँदा अनिवार्य र सही तरिकाले जनस्वास्थ्यका मापदण्ड अपनाउन आग्रह गर्नुभयो ।
सह–प्रवक्ता अधिकारीले साउन १ गते ४ प्रतिशत रहेको संक्रमण दर बुधबार ३ गुणाले वृद्धि भई १३ प्रतिशत संक्रमित थपिएको बताउनुभयो ।
यस्तै हाल कोभिड विरुद्धको खोप नलाएको र खोपको मात्रा पुरा नगरेकाहरूमा संक्रमण तथा सङ्क्रमणपछि मृत्यु दर बढी पाइएकोले खोप लगाउन तथा खोप मात्रा पुरा गर्न समेत सह–प्रवक्ता अधिकारीले आग्रह गर्नुभयो ।
