देशभर ८४८ जनामा कोरोना संक्रमण, ५२६ संक्रमणमुक्त
२०७९, ३१ श्रावण मंगलवार १८:१२ मा प्रकाशित
36
Sharesजनस्वास्थ्य सरोकार, काठमाडौं । देशभर पछिल्लो २४ घण्टामा थप ८४८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पाँच हजार ६१९ जनामा गरिएको परीक्षणमा सो संख्यामा संक्रमण पुष्टि भएको हो ।
पछिल्लो २४ घण्टामा कोरोना संक्रमणमुक्त हुनेको संख्या ५२६ रहेको छ भने यसको संक्रमणका कारण पछिल्लो २४ घण्टामा एक जनाको निधन भएको छ ।
हाल नेपालमा सक्रिय संक्रमितको संख्या पाँच हजार २५९ पुगेको छ ।
