Logo
|
Wednesday 24th April 2024
Logo

epaper

बृद्धबृद्धाहरुलाई निःशुल्क मधुमेह परीक्षण, परामर्श र भोजन वितरण



नेपाल हेल्थ न्युज, बुढानिलकण्ठ, काठमाडौं । विश्व मधुमेह दिवसका अवसरमा धनयोगा फाउन्डेसन नेपालले काठमाडौंको बूढानिकण्ठमा रहेको रिमा सेवा समाजका बृद्धबृद्धाहरुलाई निःशुल्क मधुमेह परीक्षण, परामर्श र भोजन वितरण गरेको छ ।

बूढानीलकण्ठ नगरपालिकास्थित रिमा सेवा समाजमा धनयोगा फाउन्डेसन नेपालले दि इटर्नल फाउन्डेसन, चाहना केयर र बूढानीकलण्ठ नगरपालिकाको सहकार्यमा कात्तिक २८ गते निःशुल्क मधुमेह परीक्षण तथा परामर्श शिविरका साथै भोजन वितरण कार्यक्रम सञ्चालन गरेको हो ।

शिविरमा उक्त समाजमा आश्रित ३० जना बृद्धबृद्धा तथा फरक क्षमताका व्यक्तिहरूको मधुमेहसम्बन्धी परीक्षण गरिएको थियो । शिविरमा बाल दम तथा एलर्जी विशेषज्ञ डा. महेशकुमार गौतम, चाहना केयरका डा. रूप नारायण शाह, प्रसूती गृहकी डा. इबिजा तिवारीलगायतले स्वास्थ्य परीक्षण गर्नुभएको थियो ।

बुढानिकलण्ठ नगरपालिकाकी उपमेयर अनिता लामाको आतिथ्यतामा सम्पन्न उक्त शिविर तथा भोजन वितरण कार्यक्रममा धनयोगा फाउन्डेसन, दि इटर्नल फाउन्डेसन, चाहना केयर, रिमा सेवा समाज तथा बूढानीलकण्ठ नगरपालिका, जनस्वास्थ्य शाखाका पदाधिकारीहरूको उपस्थिति थियो । यस प्रकारको सेवाले वृद्धवृद्धाहरुको मनोवल उच्च राख्न मद्धत गर्ने धनयोगा फाउन्डेसन नेपालकी अध्यक्ष स्मृति तिवारीले जानकारी गराउनुभयो ।

प्रतिक्रिया दिनुहोस्