Logo
|
Thursday 2nd February 2023
Logo

epaper

कतारमा ‘क्यामल फ्लु’को खतरा, फिफा विश्वकप प्रभावित हुनसक्ने !



जनस्वास्थ्य सरोकार, काठमाडौँ । विश्व स्वास्थ्य संगठनसँग सम्बद्ध चिकित्सकहरूले फिफा विश्वकपको समयमा कतारमा पनि ‘क्यामल फ्लु’ फैलिन सक्ने चेतावनी दिएका छन् ।

यो रोग कोरोना भाइरस र मङ्कीपक्स जस्ता गम्भीर रोगहरु जस्तै खतरनाक छ । फिफा विश्वकपका कारण विश्वभरका फुटबलप्रेमीहरू यस देशमा आएका छन् र यी दर्शकहरूमा क्यामल फ्लु फैलने खतरा छ ।

न्यू माइक्रोब्स एण्ड न्यु इन्फेक्सन जर्नलमा प्रकाशित अध्ययनका अनुसार सन् २०२२ को फिफा विश्वकप हेर्न विश्वभरका फुटबल प्रशंसकहरू कतारमा आउने गरेको वैज्ञानिकहरूले पाएका छन् । तर यसले संक्रामक रोगको जोखिम बढाएको छ । दर्शक, स्थानीय र खेलाडीलाई समेत क्यामल फ्लू लाग्न सक्छ ।

क्यामल फ्लू बाहेक, धेरै रोगहरू दर्शकहरुबीच फैलिन सक्छ । अध्ययनका अनुसार कतारमा छालाजन्य लेश्म्यानियासिस, मलेरिया, डेंगु, रेबिज, दादुरा, हेपाटाइटिस ए र बी जस्ता किटजन्य रोगहरू फैलिने जोखिम रहेको छ । हालै, विश्व स्वास्थ्य संगठनले एक भाइरस पहिचान गरेको छ जसले आगामी दिनमा महामारी निम्त्याउन सक्छ ।

विश्वभरबाट करिब १२ लाख मानिस विश्वकप हेर्न कतार जानेछन् । फिफा विश्वकप कोरोना महामारीको प्रभाव कम भएपछि सबैभन्दा ठूलो अन्तर्राष्ट्रिय प्रतियोगिता हो । यसले खाडी मुलुकको २८ लाख जनसङ्ख्यामा १२ लाख थपिँदैछ ।

कतारले आफ्नो स्वास्थ्य विभागलाई यस्तो अवस्थाका लागि तयार पारे पनि संक्रमण फैलिने विषयमा निरन्तर निगरानी र अध्ययन महत्वपूर्ण रहेको अध्ययनमा उल्लेख छ ।

कतार भ्रमण गर्ने विश्वकप फ्यानहरूलाई घातक संक्रमण फैलिने जोखिममा रहेका ऊँटहरूलाई नछुन सल्लाह दिइएको छ । युकेको वेबसाइट आइएलएफ साइन्सको एक लेख अनुसार, २०१२ मा पहिलो पटक एमइआरएस कतारसँग सीमा जोडिएको साउदी अरबमा पत्ता लागेको थियो र त्यसपछि २७ विभिन्न देशहरूमा यसले ९३५ जनाको ज्यान लिएको थियो ।

यसबाट संक्रमित हुनेको संख्या २६०० रहेको छ । एमइआरएस संक्रमणको अधिकांश अवस्थामा, संक्रमित व्यक्तिमा ज्वरो आउने, सास फेर्न गाह्रो हुने र खोकी जस्ता हल्का लक्षणहरू देखा पर्छन् । एजेन्सी

प्रतिक्रिया दिनुहोस्