तीन लाख ४५ हजारमात्रा फाइजर खोप नेपाल आइपुग्यो
२०७९, ८ फाल्गुन सोमबार १४:४२ मा प्रकाशित
0
Shares
जनस्वास्थ्य सरोकार, काठमाडौँ । कोरोना भाइरस विरुद्धको तीन लाख ४५ हजार ६०० डोज फाइजर खोप नेपाल आइपुगेको छ। कोभ्याक्स सुविधामार्फत् उपलब्ध सो खोप आज बिहान कतार एयरबाट नेपाल आइपुगेको हो ।
स्वास्थ्य सेवा विभागका आपूर्ति व्यवस्थापन शाखा प्रमुख सुरेन्द्र चौरासियाका अनुसार उक्त खोप १२ वर्षमाथिका र दुई डोज खोप पूरा गरेका नागरिकलाई बुस्टरका रुपमा लगाइने छ । यसअघि सात लाख डोज फाइजर खोप नेपाल आइसकेको छ।
