विश्व मुख स्वास्थ्य दिवसमा साइकल र्याली
२०७९, ६ चैत्र सोमबार १७:०० मा प्रकाशित
42
Shares
जनस्वास्थ्य सरोकार, चितवन । कलेज अफ मेडिकल साइन्सेस शिक्षण अस्पताल (पुरानो मेडिकल कलेज) भरतपुरले साइकल र्यालीको आयोजना गरी विश्व मुख स्वास्थ्य दिवस मनाएको छ । दिवसको अवसरमा जनचेतना जागृत गर्न साइकल र्यालीको आयोजना गरिएको हो ।
अस्पताल प्राङ्गणबाट शुरु भएको साइकल र्याली दीपेन्द्रचोक, लायन्सचोक, पुल्चो हुँदै गैंडाकोटको मौलाकालिका फेदी पुगेको थियो । उक्त र्याली पुनः कलेज प्राङ्गणमा आएर समापन भएको थियो ।
र्यालीमा सहभागीहरुले मुख स्वास्थ्य सम्बन्धी विभिन्न जनचेतनामूलक नारा अंकित प्लेकार्ड बोकेका थिए । हरेक वर्ष २० मार्चका दिन विश्व मुख स्वास्थ्य दिवस मनाइन्छ ।
