नेपालमा कोरोना संक्रमण बढ्दो क्रममा, बुधबार मात्रै ३४ संक्रमित थपिए
२०७९, १५ चैत्र बुधबार १७:३३ मा प्रकाशित
18
Shares
जनस्वास्थ्य सरोकार, काठमाडौँ । नेपालमा कोरोना भाइरसको संक्रमण दिनानुदिन बढ्दो क्रममा छ । बुधबार मात्रै ३४ संक्रमित थपिएका छन् ।
देशभरका प्रयोगशालाबाट ५३० पीसीआर परीक्षण गर्दा २५ जना र ८०० एन्टिजेन परीक्षण गर्दा ९ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
बुधबार संक्रमणमुक्त हुनेको संख्या शून्य रहेको छ । योसँगै नेपालमा हाल सक्रिय संक्रमितको संख्या १०३ पुगेको छ । बुधबार एकैदिन ६१ हजार १२९ जनाले खोप लगाएका छन् ।
