देशभरका ७२ वटा स्वास्थ्य संस्थाले पाए चिकित्सा शिक्षा आयोगबाट आशयपत्र (नामसहित )
२०८०, ९ जेष्ठ मंगलवार १८:१० मा प्रकाशित
273
Shares
जनस्वास्थ्य सरोकार, काठमाडौँ । चिकित्सा शिक्षा आयोगले प्रविधिक शिक्षा तथा व्यवसायिक तालिम परिषद् (सीटीईभीटी) अन्तर्गत संचालन हुने गरी ७२ वटा स्वास्थ्य संस्थालाई आशय पत्र प्रदान गर्ने निर्णय गरेको छ ।
आयोगका अध्यक्ष समेत रहनुभएका प्रधानमन्त्री पुष्पकमल दाहाल प्रचण्डको अध्यक्षतामा सोमबार बसेको आयोगको ११ औँ पूर्ण बैठकले देशभरीका ७२ वटा स्वास्थ्य संस्थालाई आशयपत्र प्रदान गर्ने निर्णय गरेको हो ।
आसय पत्र पाएका कलेजहरुमा ४ वटा नर्सिङ कलेज रहेका छन् । अरु स्वास्थ्य संस्थाहरुमा सामान्य चिकित्सा, मेडिकल ल्याब टेक्नोलोजी, रेडियोग्राफी र डिप्लोमा इन फार्मेसी रहेका छन् ।
आसय पत्र पाएका कलेजहरुको सिटिइभिटी र आयोगको अनुगमनपछि अध्ययन अध्यापनका लागि सिट निर्धारण गरिने आयोगका निर्देशक डा. दिलिप शर्माले जानकारी दिनुभयो ।
