उदयपुरको चौदण्डीगढीमा बन्यो सुविधा सम्पन्न स्वास्थ्य चौकी भवन
२०८०, ८ श्रावण सोमबार १७:५३ मा प्रकाशित
18
Shares
जनस्वास्थ्य सरोकार, उदयपुर । उदयपुरको चौदण्डिगढी नगरपालिका ९ मा स्वास्थ्य चौकी भवनको निर्माण भएको छ ।
वडाध्यक्ष प्रकाश राउतका अनुसार स्वास्थ्य चौकी भवन ७९ लाख ९६ हजार ७ सय ३५ रुपैयाँ लागतमा निर्माण भएको हो ।
झण्डै ३ कठ्ठा क्षेत्रफल जमिनमा निर्मित स्वास्थ्य चौकी भवनमा औषधि कक्ष, बिरामी जाँच, ड्रेसिङ, गर्भवती जाँच, प्रयोगशाला, कार्यालय प्रमुख कक्ष, कर्मचारी कक्ष, बिरामी कुरुवाका अलग–अलग कक्षहरू छन् ।
चालु आर्थिक वर्षदेखि एमबिबिएस चिकित्सकको सेवा सुचारु गर्ने गरी भवन निर्मण गरिएको वडाध्यक्ष राउतले बताउनुभयो ।
चालु आर्थिक वर्षमा माथिल्लो तला थपेर कर्मचारी निवास बनाउने र २४ सै घण्टा स्वास्थ्य सुविधा उपलब्ध गराउने योजनाका साथ भवन बनाइएको उनको भनाइ छ ।
