नेपालमा डेंगु संक्रमितको संख्या ७ हजार नाघ्यो, ७ जनाको मृत्यु

जनस्वास्थ्य सरोकार, काठमाडौँ । नेपालमा पछिल्लो आठ महिनाको अवधिमा सात हजार सात सय ३३ जनामा डेंगु संक्रमण देखिएको छ ।

स्वास्थ्य सेवा विभाग इपीडिमीयोलोजि तथा रोग नियन्त्रण महाशाखाका निर्देशक डा. रुद्र मरासीनीले हालसम्म सात हजार सात सय ३३ जना संक्रमण हुँदा ७ जनाको मृत्यु भएको भएको जानकारी दिनुभयो ।

उहाँका अनुसार देशका ७१ जिल्लामा डेंगु संक्रमण फैलिसकेको छ । सबै जिल्लामा डेंगु सार्ने लामखुट्टे रहेको र जतिबेला पनि डेंगु सर्न सक्ने डा. मरासीनिले बताउनुभयो ।

शुक्रराज ट्रपीकल तथा सरुवा रोग अस्पतालका प्रमुख कन्सल्टेन्ट डा. बिमल शर्मा चालीसेले डेंगु नियन्त्रणका लागि जनचेतना आवश्यक रहेको बताउनुभयो । उहाँले डेंगुबाट बच्न लार्भा खोजर नष्ठ गर अभियानलाई प्रभावकारी बनाउनुपर्ने बताउनुभयो । लामखुट्टे बस्ने बासस्थान खोज्ने र त्यसको नष्ट गर्नुपर्ने बताउनुभयो ।

नेपालमा डेंगुको पहिलो पटक २०६१ सालमा देखिएको थियो ।