युनाइटेड मिसन अस्पतालमा स्वास्थ्य बीमा कार्यक्रम स्थागित, बोर्डले १४ करोड रुपैयाँ भुक्तानी दिन बाँकी
हजारौं बिमित सेवाबाट बञ्चित
२०८०, २८ श्रावण आईतवार १७:५५ मा प्रकाशित
27
Shares
जनस्वास्थ्य सरोकार, पाल्पा । पाल्पाको तानसेनस्थित युनाइटेड मिसन अस्पतालले स्वास्थ्य बीमा कार्यक्रम स्थागित गरेको छ ।
स्वास्थ्य बीमा बोर्डले लामो समयदेखि बीमितको उपचार गरेवापतको रकम भुक्तानी नदिएपछि अस्पतालले कार्यक्रम रोकेको हो ।
बोर्डले सम्झौता अनुरुप काम नगरेको र समयमै भुक्तानी नदिएकाले सेवा नै बन्द गर्नुपर्ने अवस्था आएको अस्पतालले जनाएको छ । बोर्डले अस्पताललाई करिब १४ करोड रुपैयाँ भुक्तानी गर्न बाँकी छ ।
अस्पतालले सेवा स्थगित गरेपछि सेवा लिन आउने हजारौं बिमित सेवाबाट बञ्चित भएका छन् ।
