स्वास्थ्य सेवा विभागको महानिर्देशकमा डा. संगीता कौशल नियुक्त

जनस्वास्थ्य सरोकार, काठमाडौँ । स्वास्थ्य सेवा विभागको महानिर्देशकमा डा. संगीता कौशल मिश्रा नियुक्त हुनुभएको छ ।

स्वास्थ्य तथा जनसंख्यामन्त्री मोहनबहादुर बस्नेतले मन्त्रिस्तरीय निर्णय गर्नुहुँदै डा. मिश्रालाई महानिर्देशकमा नियुक्त गर्नुभएको हो ।

डा. मिश्रा स्वास्थ्य मन्त्रालयमा अतिरिक्त सचिव हुनुहुन्थ्यो । यसअघि विभागको महानिर्देशकमा डा. दिपेन्द्र रमण सिंह हुुनुहुन्थ्यो । डा. सिंहलाई मन्त्रालय तानिएको छ ।

यस्तै, कान्ति बाल अस्पतालको निर्देशकमा बाल रोग विशेषज्ञ डा. पंकज रायलाई नियुक्त गरिएको छ । यसअघिका निर्देशक डा. युवानिधि बसौलालाई कान्तिमै राखिएको छ ।