Logo
|
Thursday 30th May 2024
Logo

epaper

दश दिनदेखि सम्पर्क बिहीन डा. कोइराला कोसी किनारामा मृत फेला



जनस्वास्थ्य सरोकार, काठमाडौँ । दश दिनदेखि सम्पर्कबिहीन रहेका ३२ वर्षीय डा. उज्वल कोइराला कोसी किनारामा मृत अवस्थामा फेला पर्नुभएको छ ।


चतराघाटस्थित कोसी नदी पुलमा कार छाडेर दस दिन अघिदेखि बेपत्ता हुनुभएका डा. कोइरालाको शव सुनसरीको बराहक्षेत्र नगरपालिका २ को तेह्रआरडीस्थित नदी किनारमा फेला परेको हो ।


मंगलबार साँझ साढे ५ बजे शव भेटिएको उदयपुर जिल्ला प्रहरी कार्यालयका प्रवक्ता डिएसपी हरिनन्दन चौधरीले जानकारी दिनुभयो ।

कोशी नदीमा माछा मार्न गएका स्थानीयले नदीको सानो भङ्गालोमा शव तैरिरहेको देखेपछि प्रहरीलाई खबर गरेका थिए।


मृतकका बुवा दिवाकार कोइरालाले शव पहिचान गरेको प्रहरीले जनाएको छ । शवको पोस्टमार्टमका लागि बिपी कोइराला स्वास्थ्य विज्ञान प्रतिष्ठान धरान ल्याइएको छ ।


झापाको दमक नगरपालिका– १ घर भएका डा. कोइराला मोरङको उर्लाबारी नगरपालिका–३ स्थित मदन भण्डारी अस्पताल तथा ट्रमा सेन्टरमा कार्यरत हुनुहुन्थ्यो ।

प्रतिक्रिया दिनुहोस्